隔牆有耳:奧斯卡烏龍 薯片抽水「見未真」 - 李八方

甩轆嘅嘢,真係無分地域同場合!第89屆奧斯卡頒獎禮噚日香港時間朝早舉行,喺頒發「最佳電影」呢個最重要嘅獎項時,頒獎嘉賓華倫.比提(Warren Beatty)竟然攞錯信封,誤將最佳影片頒咗畀《星聲夢裡人》(La La Land),直至劇組致辭尾聲時先發現錯咗,擺咗個國際大烏龍。

網戰極厲害嘅特首候選人曾俊華,抽水速度認真快,喺中午時分已經喺fb競選網頁上載同團隊睇電視嘅畫面(圖),帖文指今日(噚日)最矚目新聞非「#奧斯卡 擺烏龍莫屬」,由此感悟,「未到最後一刻,永不會知道真正結果」,又hashtag「見未真」、「勿輕言」和「勿輕傳」等字眼。
一如所料又有大批網民爆like,唔少網民大讚薯片團隊反應快,「曾生真係跟得好貼」。



政綱睇真啲候選人冷知識小測點解佢有票