唐唐竟然叫下屆特首唔好重啟政改,事出必有因。

唐唐竟然叫下屆特首唔好重啟政改,事出必有因。

【李八方online】唐唐拋嘅新特首條件 竟然係...

退休法官胡國興公佈政綱,表明首要處理政治改革,單係呢一點,八方相信佢未必得得到全國政協常委、上屆獲綠燈入閘但大熱倒灶嘅唐英年支持?點解?皆因唐唐對新特首有個期望,就係任內唔好重啟政改。嘩,乜唐唐唔想香港政改更民主、更有進步咩?非也,查實佢係覺得,未來五年應該休養生息,搞好民生經濟儲定彈藥再談政改。

原來唐唐認為,新特首上場呢五年,香港應該集中精力發展經濟,事實上內地如上海等城市,已經趕上香港,仲唔發力就前景堪虞。而爭取成為亞投行財資中心、扮演國際調解中心角色、促進文化產業等等,都係佢覺得下屆特首嘅重任;與此同時民生都唔可以忽略,成立政府公積金、引入失業保險等議題,都係新任特首應該聚焦,固本培元壯大實力後,再下多一屆傾重啟政改都未遲。

如果最終無特首候選人,表明唔重提政改,咁送唔送上提名?唐唐冇正面回應,只稱暫時唔知邊個出嚟選,但認為可以讓有能以及有志者,同時入閘,公平競爭。唔知上屆嘅唐營選委,今屆又會撐邊一位?


政綱睇真啲候選人冷知識小測點解佢有票