CY接種季節性流感疫苗時,梁粉局長、高永文都在傍相伴。

CY接種季節性流感疫苗時,梁粉局長、高永文都在傍相伴。

【李八方online】中央狠心DQ後...CY被針拮都笑騎騎

雖然已經宣佈唔爭取連任,但餘下任期仲有約七個月,特首梁振英點都要捱埋佢嘅,而且如果撐政務司司長林鄭月娥代佢出征,咁都繼續要曝光力箍支持以便過票。

所以已成明日黃花嘅CY今日亦出動,同多位主要官員接種季節性流感疫苗,呼籲市民盡早接種。參與嘅包括最近升呢做署理財政司司長嘅陳家強、勞工及福利局局長張建宗、政制及內地事務局局長譚志源等。睇見CY笑意盈盈,相信呢一針唔算痛,肯定易捱過被中央DQ。

而梁粉醫生、食物及衞生局局長高永文亦有同場相伴,佢話政府擴大疫苗資助計劃同政府防疫注射計劃,六個月至未滿12歲兒童、傷殘津貼受助人同孕婦都可獲免費或資助接種。截至本月11日,兩計劃已為合資格人士接種約491,000劑季節性流感疫苗。


政綱睇真啲候選人冷知識小測點解佢有票