【李八方online】煲呔重臣何安達 幫胡官唔幫鬍鬚曾

【新增影片】
退休法官胡國興唔理中央係咪會祝福,一鼓作氣搶閘宣佈選特首,今日仲公佈埋政綱,係咪快人一步、理想達到?相信未必咁易,但佢有前特首曾蔭權重臣、前新聞統籌專員何安達Andy幫手,卻令大家覺得詫異,以Andy同煲呔嘅關係,乜佢唔會親曾俊華多啲咩?卻竟然去咗幫胡官搞選舉。

Andy自我解謎,佢話約喺十月底、當胡官正式脫離法官行列後就收到對方電話,邀請幫忙搞選舉,憶述當時佢仲喺澳門坐緊船返香港,而最後答應幫胡官手,係因為胡官政綱最着重嗰個「正」字,個人都覺得香港係時候重回正路。

雖然身在唔同陣營,Andy話心儀嘅下屆特首除咗胡官,都包括鬍鬚曾㗎,有公平嘅競爭就係最緊要。


何安達今次唔幫曾兄弟,改幫胡國興。(馬泉崇攝)

何安達今次唔幫曾兄弟,改幫胡國興。(馬泉崇攝)


政綱睇真啲候選人冷知識小測點解佢有票