李家皓、夏家朗攝

李家皓、夏家朗攝

【特首選戰】梁耀忠嘆林鄭升官變一言堂「唔當人存在」

梁耀忠去年九月首次循「超級區議員」當選立法會議員,得票由過去參選新界西直選時的4萬多票急升至逾30萬票。梁透露參選時須向友人借款100萬元,再加上自己的100萬元積應戰,料農曆年後才能還清欠款,但當選超區議員後政府津貼無變,梁至今仍只有一個位於葵涌的議辦,僅7、8名職員處理港九新界的地區個案,慨嘆「同事都話個案比之前多咗好多,做到好辛苦」,希望政府增加議辦津貼。

記者 林俊謙

談到下屆特首人選,梁耀忠稱「最希望林鄭唔好當選」,指早在林鄭月娥出任社會福利署署長時已認識對方,坦言林鄭當年「真係好好」,「我有廿幾個家庭主婦有關社福援助要見佢(林鄭),佢肯聽,就廿幾個人坐喺幼兒班讀書地方傾個幾兩個鐘,佢嗰時真係唔錯」。

但當林鄭官至房屋及規劃地政局常秘時,對基層態度有變:「有次紅磡13街天台木屋居民想討論清拆後安置問題,佢(林鄭)竟然同我講,唔洗傾啦,安置政策齊晒喺度,無嘢好講」,「佢成為好打得嘅官後就係咁,我睇住佢改變」,又指處理退保方案及西九故宮館時,「佢嗰種一言堂、唔當人存在嘅態度,令人好難接受」。

其餘三名特首參選人,梁耀忠指曾俊華「相對有得傾吓」,指曾對民主派態度「平和好多」,「覺得佢(曾)係想大家和諧,而唔係想再衝突撕裂,呢樣好重要」,但對其「守財奴」作風有保留。

由於與葉劉淑儀在23條立法和人大8.31看法南轅北轍,他指不會支持對方;胡國興言論雖與泛民接近,但缺乏從政經驗,對其能否有效施政存疑。


政綱睇真啲候選人冷知識小測點解佢有票