【特首選戰】工聯會吳秋北:曾俊華配合緊反對派搞局

【新增短片】

工聯會今簡介兩會提案及社會民情的意見反映,記者會上傳媒其中一個關心議題是特首選舉。被問到曾俊華絕大部份提名來自民主派,甚至被指是民主派候選人,會否影響他爭取工聯會或建制派的支持。港區人大代表,工聯會理事長吳秋北指:「反對派或者非建制曾經好強調咁言明,亦都有傳聞佢哋要搞局,如果佢哋有咁嘅意圖去造佢哋想造嘅王,咁曾先生就係同佢哋配合,作為一個選委係諗住搞局,係唔會受到市民認同,大多數選委都係負責任,按參選者政綱、能力,係咪得到中央信任等去考慮,工聯會選委裡面,大家都有共識係負責任去選特首。」

被追問參選人取提名多數來自非建制就等於是搞局的參選人﹖吳即稱:「呢個係咪,你可以直接問嗰個參選人,但客觀上係配合緊呢樣嘢。」身旁的工聯會榮譽會長鄭耀棠隨即補充:「每個參選人都唔係想搞局,因為參選行政長官……包括曾先生都唔會想出來選就係搞局,唔會咁樣。」工聯會會長林淑儀指,工聯會的提名不綑綁,據她所知目前已提名的只有三數個,陳婉嫻即指林鄭月娥的政綱仍未有,她個人認為應盡早公佈。

至於曾俊華少建制提名到底是能力問題抑或是因中央打壓令建制派不敢提名予他,鄭認為是選委個人決定:「選委就係選委,選委提邊個你唔可以搵枝槍隊住佢要選邊個、提邊個。」

另外,工聯會將於兩會提案及建議,包括檢討單程證審批制度,如在港申請者坐監或死亡,現在做法是暫停有關審批,工聯會建議只要申請時符合條件者,公安機構便應按既定程序批核單程證。其他建議包括在落馬洲河套區「港深創新及科技園」中發展中藥港及食安檢測中心。



政綱睇真啲候選人冷知識小測點解佢有票