【A1頭條】「作為港人我可以講自己心聲」 周潤發撐曾俊華

新一屆行政長官選舉將於本月26日舉行,3位候選人曾俊華、林鄭月娥和胡國興近日積極落區進行拉票。昨日曾俊華落區時,在九龍城公和荳品廠「野生捕獲」發哥周潤發,二人即場在舖頭招牌下selfie,異口同聲表示「公和」代表「公平和諧」,發哥更揚言支持曾俊華做特首。

記者:畢紹基 徐錦池 陳月媚

曾俊華昨日下午與太太曾黃蓮華落區到九龍城拉票,其間在公和荳品廠遇上與太太陳薈蓮撐枱腳的發哥周潤發,原來曾俊華出任財政司司長期間已經與周潤發認識,因此昨日二人一見面即握手寒喧。由於公和因申請不到食肆牌照,去年底改用塑膠器皿和收起所有凳;發哥昨亦趁機向曾俊華呻說:「我嚟呢度好多年喇,不過嗰陣係坐,唔係企,依家食環署搞一搞,就冇得坐。」

之後發哥問曾俊華選舉工程進展如何,曾俊華就苦笑說:「都好攰㗎。」發哥聞言笑說:「你通波仔都唔死得,冇事嘅。」

經常被集郵的發哥,主動表示要跟曾俊華selfie,他拿起曾太的手機拍攝完大合照後,要求跟曾俊華合照,然後即場將照片調成黑白相,背景正好見到「公和」二字。曾俊華隨即表示公和代表「公平和諧」,發哥亦同意說:「係呀,公平和諧,公正都得,公正和平!」

現場有人問發哥是否支持曾俊華做特首,發哥即表明力撐說:「支持!」但說到發哥不是選舉委員會委員沒有投票權時,發哥說:「我雖然唔係選委,但我作為香港普通市民,我都可以講自己心聲。」曾俊華亦表示:「雖然發哥唔係選委,但我爭取1,198名選委(編按:應為1,194名選委)重要之餘,面對七百幾萬香港市民,爭取佢哋支持都好重要。」

發哥接受本報訪問時,被問到為何支持曾俊華,他解釋:「有一次曾生通波仔,但佢出院冇耐就上班工作,我覺得好勤力,係一個好為香港服務嘅公職人員,好感動,應該支持。我其實幾鍾意佢開頭輸入一啲電動車時,免第一次登記稅,不過依家冇喇!我想買架電動車都唔得。」

發哥表示期望新一屆特首積極覓地起樓改善民生,記者問假若曾俊華當上特首,對他又有何期望?發哥說:「最緊要國泰民安,大家可以和諧,扶貧方面做好啲,幫多啲老人家。其實邊個選到都好,希望可以為香港服務,令香港氣氛和諧,社會和平啲啦!」


曾俊華昨與太太落區時遇上周潤發夫婦,發哥拿起手機拍照留念。﹙畢紹基攝﹚

曾俊華昨與太太落區時遇上周潤發夫婦,發哥拿起手機拍照留念。﹙畢紹基攝﹚

畢紹基攝

畢紹基攝


政綱睇真啲候選人冷知識小測點解佢有票