【特首選戰】今與林鄭胡官較勁 曾俊華:十成信心當選 冇諗過輸

尚有兩星期後就是特首選舉投票日,3名候選人今日終首度同場出席教協論壇,曾俊華昨形容有十成信心當選,強調他是唯一獲跨黨派選委支持的候選人,相信選委會在暗票階段支持他,另一候選人胡國興亦自言有八成信心,並為今日辯論積極備戰,至於林鄭月娥昨日就到上環落區,到她任發展局局長時曾處理水浸的永樂街視察。

記者 呂浩然

教協今午舉行特首選舉候選人競選論壇,3名候選人將首次同場,據教協安排,他們將回答指定問題及台下發問,但沒安排候選人互相質詢或提問。曾俊華昨接受電台訪問後笑言,還未開始就論壇準備,但強調自己對當選「有十成嘅信心」,因為「冇人參選係諗住輸㗎嘛」。

曾俊華亦表明有信心在暗票階段有建制派選委支持,指很多選委與他是長時間朋友,對方了解他的工作能力。他在電訪問中更稱,「家好清晰我係唯一一個有跨黨派支持嘅候選人嚟嘅,其他嗰兩位係冇嘅」,又指若希望下一屆政府可減少社會撕裂、團結到社會,「我覺得我係最適合嘅」。

對於挺林鄭的建制派人士質疑他從未處理政治問題,曾俊華反指「如果大家覺得搞啲金融、經濟嗰方面係冇政治含量嘅呢,咁呢個就冇得講喇」,又指「我對事情嘅做法就唔係話等到一樣嘢爆煲,咁我先至出嚟話做好咗佢,然後就邀功」。對於特首梁振英或將成為全國政協副主席,曾覺得梁在卸任特首後,才正式參與政協工作較為適當,至於他一旦落選,會否參與政協工作,他先指「我冇諗過輸喎」,又謂自己興趣在香港,「對全國嗰個認識真係唔係咁深」。

另一邊廂,胡國興競選辦回覆本報查詢時稱,會「一如既往、全力以赴、積極備戰」今日教協的論壇,他早上接受電台訪問時,雖說難以評估當下選情,因為選舉期間都會「謠言滿天飛」,不過他亦指「我嘅信心係八成嘅啫,就唔係十足信心」,並稱「如果有啲人有信心我恭喜佢囉」,強調其他人有信心不會影響自己。

胡又重提民主派選委在特首選舉首輪投票中分散投票,認為若集中票源給一位候選人,若該候選人未能取得建制派選票,結果就浪費了民主派的選票。不過他亦表示即使自己獲180個提名入閘,也不代表在暗票階段得到最少180票,因為這不是簡單的數學,而是策略性問題,又形容選舉美麗的地方在於不記名的暗票,因為隨時有出人意料的事情發生,而且暗票制度有助保護選民。

至於林鄭月娥昨就到上環落區,沿逾與市民握手及派發傳單。她表示任發展局局長期間,曾與渠務署處理永樂街的水浸問題,故此趁競選期間到該區視察及了解情況。另外,本報曾向林鄭競選辦查詢林鄭如何準備今日教協的論壇,惟至截稿仍未有回覆。


相關文章

  1. 【A1頭條】「作為港人我可以講自己心聲」 周潤發撐曾俊華
  2. 【特首選戰】曾俊華胡官夾擊林鄭!選舉論壇花生位重點睇
  3. 【特首選戰】民間公投理大票站突被關閉
  4. 【特首選戰】湯家驊斥不約束支持者po仇恨言論難修補撕裂
  5. 【特首選戰】教協論壇冇互問環節?張文光:有候選人不想
  6. 【特首選戰】傳老董見政協力撐「曾擁抱的候選人」 林鄭咁樣回應
  7. 【特首選戰】胡官批林鄭曾俊華失職:對教育問題一直視若無睹
  8. 【特首選戰】被指中共卧底 胡官駁黎智英:有美護照就係CIA派來?
  9. 【特首選戰】理大拒設票站被指威嚇或構成非法闖入 戴耀廷質疑政治打壓
  10. 【特首選戰】林鄭自讚在港由幼稚園讀到大學 屬優良教育產物
  11. 【特首選戰】薯片叔爆seed寸奶媽:唔重啟政改因衰咗一次 點解要衰多次?
  12. 【特首選戰】《蘋果》花生talk精華 尖啤鄺神阮穎嫻評邊個表現最差?
  13. 【特首選戰】民間投票 市民斥林鄭心術不正自以為替港做好事
  14. 【特首選戰】網上留言=白色恐怖?薯片叔一句KO奶媽「受害論」
  15. 【特首選戰】林鄭話政改全部司局長有份 曾俊華寸卸責:有去花車巡遊嘅
  16. 【特首選戰】學者分析:林鄭傲慢官氣重 被曾俊華KO即黑面
  17. 【特首選戰】逾百市民遊行「不要林鄭」 梁家傑指當選機會很高
  18. 【投票】邊位候選人論壇表現最好?
  19. 【李八方online】港台元老斥戴健文愧對港台
  20. 【特首選戰】3候選人星光熠熠 助選藝人逐個捉
政綱睇真啲候選人冷知識小測點解佢有票