何頴賢攝

何頴賢攝

【特首選戰】民間投票 市民斥林鄭心術不正自以為替港做好事

「2017特首選舉民間全民投票」實體票站今早10時半起開始接受投票,其中港大票站早上人流較少。退休人士郭女士稱,反對小圈子選舉,故到場投票,她明言雖然知道曾俊華只是「包裝」,但林鄭比特首梁振英更衰,「支持曾俊華,因為我哋冇得揀」,又批評林鄭不敢面對鏡頭是心虛。她指,即使下周才有電視辯論,屆時亦不會改變投票意向,「我就係要狙擊林鄭」,強調民主派選委不能搞分化,「呢300票要畀晒曾俊華,如果唔畀,4年後佢哋要票債票償」。她又認為理大實體票站被取消是因為被染紅,「(理大)應該政治中立」。

從事教育業的港大舊生黎女士到場投票予曾俊華和胡國興,批評現時的特首選舉制度不民主,但承認民間投票未必有用,「都想表達一下」。她說,林鄭很多事都只說不做,如早前打擊天台僭建,但最後都不見成效。而曾和胡較有誠意,但二選其一的話,會選擇胡,「佢好肯講,好多意見肯面對,肯回應,例如講23條」。至於理大票站被取消,她認為校方應給予學生合理解釋。

有份選出教育界選委的退休教育工作者黃先生則說,民間投票是為了盡公民責任,「要畀全世界都知香港人prefer(屬意)邊個候選人……官方嘅全部都係假嘢,操縱晒所有嘢」。他不願透露投票予哪名候選人,但表明絕對不投林鄭,「你睇下梁振英做咗乜?佢個第二把手做咗乜?」,批評林鄭離地,不知民間疾苦,「口口聲聲話自己好打得,我知佢好叻,但問題係佢心術不正……將所有嘢都歪曲,對佢不利嘅問題就話唔存在」。

黃先生又說自皇后碼頭事件開始留意林鄭,認為她不是好人,自以為為香港做好事,「你睇下西九?」,直言與林鄭「connect唔到」,「佢都唔係香港人,係星球人!」他又說,林鄭「江山易改,品性難移」,故即使下周電視辯論,亦絕不會更改投票意向,「除非佢轉過另一個腦啦」。他說,所屬意的特首候選人有幽默感,「起碼唔會當人透明」,而且夠包容和能修破社會撕裂。另外,他認為理大票站被取消,當中包含政治打壓,理大應保持開放態度。

生物科技研究員黃先生認為,現時小圈子政策不讓市民投票,故到場投票發表自己聲音。他說,支持曾俊華,因曾是最大機會當選的候選人,而且看過曾的影片,覺得他很有魅力,加上曾在外國讀書,思想亦較開明。他又批評林鄭「黑人憎」,性格傲慢並不願聽取他人意見,只是延續梁振英施政。而胡國興較極端,中央不會容許胡當選。


相關文章

  1. 【A1頭條】「作為港人我可以講自己心聲」 周潤發撐曾俊華
  2. 【特首選戰】曾俊華胡官夾擊林鄭!選舉論壇花生位重點睇
  3. 【特首選戰】今與林鄭胡官較勁 曾俊華:十成信心當選 冇諗過輸
  4. 【特首選戰】民間公投理大票站突被關閉
  5. 【特首選戰】湯家驊斥不約束支持者po仇恨言論難修補撕裂
  6. 【特首選戰】教協論壇冇互問環節?張文光:有候選人不想
  7. 【特首選戰】傳老董見政協力撐「曾擁抱的候選人」 林鄭咁樣回應
  8. 【特首選戰】胡官批林鄭曾俊華失職:對教育問題一直視若無睹
  9. 【特首選戰】被指中共卧底 胡官駁黎智英:有美護照就係CIA派來?
  10. 【特首選戰】理大拒設票站被指威嚇或構成非法闖入 戴耀廷質疑政治打壓
  11. 【特首選戰】林鄭自讚在港由幼稚園讀到大學 屬優良教育產物
  12. 【特首選戰】薯片叔爆seed寸奶媽:唔重啟政改因衰咗一次 點解要衰多次?
  13. 【特首選戰】《蘋果》花生talk精華 尖啤鄺神阮穎嫻評邊個表現最差?
  14. 【特首選戰】網上留言=白色恐怖?薯片叔一句KO奶媽「受害論」
  15. 【特首選戰】林鄭話政改全部司局長有份 曾俊華寸卸責:有去花車巡遊嘅
  16. 【特首選戰】學者分析:林鄭傲慢官氣重 被曾俊華KO即黑面
  17. 【特首選戰】逾百市民遊行「不要林鄭」 梁家傑指當選機會很高
  18. 【投票】邊位候選人論壇表現最好?
  19. 【李八方online】港台元老斥戴健文愧對港台
  20. 【特首選戰】3候選人星光熠熠 助選藝人逐個捉
政綱睇真啲候選人冷知識小測點解佢有票