前副廣播處長戴健文現時係林鄭嘅競公關。

前副廣播處長戴健文現時係林鄭嘅競公關。

【李八方online】港台元老斥戴健文愧對港台

特首候選人林鄭月娥早兩日出席記協嘅特首論壇時,當住港台代表踩港台電視頻道唔掂、不斷出硬照,做法落後,又大讚CCTV質素高添。事件喺港台內部引起極大迴響,港台工會立即發聲明還拖,批評林鄭輕率,無視港台資源有限,對佢嘅一番言論深表遺憾。事件繼續發酵,唔止港台員工唔滿意林鄭言論,有唔少前港台人亦發電郵俾港台人,要求曾擔任副廣播處長、幫緊林鄭助選嘅戴健文叫林鄭道歉,仲話林鄭一日唔出嚟交代,件事一日都唔會完。

八方聽聞,有元老級嘅前高層已經就事件開腔,質疑依家協助林鄭助選、擔任傳媒聯絡嘅戴健文如果唔請林鄭公開道歉、或者替林鄭道歉,係愧對香港電台。該元老級前高層又提醒林鄭,唔好以為可以漂白呢件事,扮冇發生過。睇嚟事件冇咁快可以平息,八方就此聯絡過戴健文,但一直未收到佢回覆。


政綱睇真啲候選人冷知識小測點解佢有票