【特首選戰】閘外評三舊對手表現 葉劉:曾俊華最好

無緣入閘的新民黨主席葉劉淑儀亦有收看辯論,她接受《蘋果》查詢時直指曾俊華表現最好,「佢今晚講嘢出奇流暢,又有SOUNDBITE」,反而林鄭則有失誤,「尤其佢(林鄭)講到曾俊華靠FACEBOOK、靠政治助理,呢樣唔係太好,有啲用錢搶人感覺,呢樣我最唔鍾意㗎嘞...曾俊華話用錢都買唔到做回應,呢句我印象好深刻,係有啲正義感」,若憑表現論好感及信任度,「曾俊華係贏,至少真誠啲、老實啲。」

葉劉並指,林鄭席間對政策熟悉度毋容置疑,但卻有失言之處,尤其指如主流意見指她不宜任特首會辭職,「唔應該講辭職講得咁輕率;乜叫主流民意?要去到邊個程度?如果一地兩檢同主流民意不符,咁佢咪好快辭職?」,她指林鄭是以580個提名強勢入閘,「咁樣講法令人覺得佢冇管治意志」。

至於胡國興,葉劉認為他疲態畢露,「來來去去都係講法治嗰兩度板斧」。

三名候選人將於18日到訪新民黨,葉劉指會再視乎三人表現再決定投票意向。


相關文章

  1. 【特首選戰】林鄭稱當選後 若與港人主流意見不同會辭職
  2. 【特首選戰】鬼拍後尾枕!林鄭自認CY2.0 薯片諷「撕裂2.0」
  3. 【特首選戰】胡官指奶媽抄政綱 林鄭:英雄所見略同
  4. 【特首選戰】被問需否問責辭職 林鄭辯稱佔中構思早過政改三人組出現
  5. 【特首選戰】胡官狙擊橫洲黑幕 薯片奶媽鬥卸責
  6. 【特首選戰】曾俊華直線抽擊林鄭:你fb啲嬲嬲上到鼻度
  7. 【特首選戰】曾俊華諷林鄭辦事「有頭威冇結果」
  8. 【特首選戰】薯片嫂畀薯片叔100分 林鄭競選辦舉V字手勢
  9. 【特首論壇全紀錄】曾俊華:無懼潑冷水決不放棄 林鄭:講團結要有執行力
政綱睇真啲候選人冷知識小測點解佢有票