林大輝(左)相信林鄭(右)唔係自以為是,否則就係大件事。蘋果日報

林大輝(左)相信林鄭(右)唔係自以為是,否則就係大件事。蘋果日報

【八方剝花生】大輝大師話...如果林鄭xxxx就大件事

特首選舉倒數前一星期,有資深政務官透過《蘋果》發匿名公開信,批評林鄭為官時卸責、邀功,已經表明投票支持林鄭嘅全國政協常委唐英年今朝為林鄭「平反」,話唔覺得林鄭自以為是,反讚賞對方同公務員關係良好。

同為全國政協委員、已經提名林鄭兼係佢競選班底嘅林大輝亦就此回應,佢好玄咁話,人與人之間嘅相處、相交同相知呢,不管係上司同下屬、老闆同伙計,「都好講技巧同學問」,「無論你係老闆或者上司,都唔應該『自以為是』去做人做事,喺呢方面,我相信林鄭唔會係呢種人...如果係,就大件事。」

佢強調,任何合作都要互相包容、互相支持,「心無芥蒂,做事就會順利」。


政綱睇真啲候選人冷知識小測點解佢有票