羅永聰(右)星期五都以前傳媒人身份出席民主黨黨慶,仲同民主黨主席胡志偉握手。易仰民攝

羅永聰(右)星期五都以前傳媒人身份出席民主黨黨慶,仲同民主黨主席胡志偉握手。易仰民攝

【八方剝花生】林鄭搶唔到嘅紅人 羅永聰4月已經有去向?

多得特首候選人林鄭月娥帶挈,家陣好多人都知道薯片叔叔身邊有位得力助手叫做羅永聰。阿聰幾年前離開傳媒加入政府,做薯片叔嘅政治助理,到薯片叔辭職參選,阿聰一直伴隨左右,究竟26日特首選舉後阿聰會去邊?呢點好多人都想知。

毫無疑問,如果薯片叔成功當選,阿聰理所當然重返政府,成為新一屆曾班子成員,但若然薯片叔落選嘅話..啋啋啋,都係唔好講掃興嘢,八方只知無論薯片叔當選與否,阿聰都會去中大,但唔係轉型做學者,而係去新聞與傳播學院講talk。

據新傳學院嘅宣傳海報,阿聰會喺4月1日出席中大新傳校友會嘅講座,分享佢喺特首選舉嘅公關戰。係人都知,薯片叔呢場選戰,阿聰係幕後重臣,唔少政界中人仲笑指論賣力度,呢次都唔知係薯片叔選吖,定係阿聰去選?八方覺得都冇所謂啦,薯片叔話明同阿聰拍住上㗎嘛,點會有分你同我?可惜吖,呢場講座只限新傳學院嘅校友同學生參加,街客同傳媒免問。


政綱睇真啲候選人冷知識小測點解佢有票