【特首選戰】曾俊華諷刺林鄭「三低特首」:我哋跟住5年會好難受

有選委質問特首候選人林鄭月娥是否只有她認同的人才算是「主流意見」,林鄭回應稱一旦當選特首,會小心市民的聆聽意見,並將意見轉化成實際可行的工作幫助香港發展。但民望高企的曾俊華就反駁「主流意見已經好清楚」,就是林鄭的民望一直遠遠落後,,直指林鄭一旦當特首甫上任民望已是負值屬「前所未見」。

曾俊華指,特首一旦「無市民支持、無公務員支持,亦都無廣泛政治光譜嘅支持,又搵唔到人才,我哋點樣去做管治呢?」他又稱若低民望的林鄭當選,香港將出現「低民望、低能量,同埋一個低認受性嘅特首,一個三低嘅特首,帶領一個三低嘅政府,我哋跟住個5年會係好難受㗎!」

另一對手胡國興就揶揄林鄭經常反口覆舌,與其說要小心聆聽,「佢小心講嘢好啲啦!」台下即有大批選委歡呼拍掌。胡官續指林鄭並非誠實證人:「如果我喺法庭審案,呢啲咁嘅證人,前言不對後語,你話我點樣對佢吖!」質疑林鄭不會獲得市民信任。



政綱睇真啲候選人冷知識小測點解佢有票