【特首選戰】林鄭爆廉署堅查UGL?薯片:唔理係邊個一定唔放過

林鄭月娥去年底時任司長回應議員有關特首梁振英涉及的澳洲公司UGL 5,000萬元事件時曾指,不知悉廉署是否正在調查案件,但她昨回應選委就UGL事件提問時稱,要求特首交代正在調查的案件「於理不合,亦都可能於法不容」,胡國興隨即指林鄭披露了廉署正在調查。

高教界選委陳和順質問林鄭,當選後會否交代UGL案,以及廉署前署理執行處首長李寶蘭突然離職問題。林鄭回應時以任何人當特首都不能干預案件的調查及調查後的檢控工作為由,指「要求下一任嘅行政長官去交代一個如果係正在調查嘅案件,呢個似乎係於理不合,亦都可能於法不容」,然後標榜自己若當選,會修訂《防止陏賂條例》第3、8條,使其適用於特首。

胡國興聞言質疑:「我係第一次聽到呢兩件案件係正在調查之中喎。」林鄭隨後反責胡斷章取義、作無理指控,辯稱若案件正在調查,作為特首沒有理由公佈。胡不甘示弱,指案件若確實正在調查,作為特首的固然不予置評,然而「你變咗冇答呢兩件案件,你做咗特首會唔會調查,咁你又唔答問題喎,咁呢啲係唔係語言偽術呢?」,林鄭未有再作解釋。

曾俊華則強調廉潔是香港要堅守的重要核心價值,強調「我好相信任何人喺香港作出違法嘅事情,我唔理佢係邊一個,喺法律前面大家都係平等嘅,我一定係唔會放過」。


(黎樹雄攝)

(黎樹雄攝)


政綱睇真啲候選人冷知識小測點解佢有票