【A1頭條】fb晒名人飯局 終極集氣曾俊華今巡遊

決定香港未來5年命運的特首選舉將於後日投票,在多個大學民調中大幅領先對手林鄭月娥近30個百份點的曾俊華,投票前終極集氣,他昨先在網上「晒冷」,上載導演杜琪峯、DJ森美等名人支持者飯局短片,今日再乘開篷巴士巡遊港島催谷民意,並於傍晚在中環舉行造勢集會。曾俊華直言今次選舉十分重要,「我哋唔可以再等多5年」,又批評特首梁振英一直抗拒與民主派溝通,「佢亦都不屑叫你(民主派)埋嚟」。

記者:呂浩然 林俊謙

面對建制陣營在北京施壓下要支持林鄭,香港民意卻是越來越支持曾俊華。嶺大公共管治研究部昨公佈最新特首民調,多達52.5%人支持曾俊華成下任特首,相反支持林鄭的僅25.1%,雙方差距逾27個百份點,曾除較獲自稱民主派或本土自決派的人支持,連自稱建制派的亦有約23%支持,而林鄭主要支持度只來自建制派,有67%人,自稱民主派或本土自決派的均低於5.5%。

曾俊華則全力催谷民望,昨於facebook發佈與支持者飯局的影片,撐場的除了早已表態的杜琪峯、森美、自由黨榮譽主席田北俊外,更有人稱Ben Sir的中大中文系高級講師歐陽偉豪、輪椅劍擊運動員余翠怡及前記者張寶華等。曾在飯局透露,社會撕裂令公務員相當難做,過去幾年公務員對部份做事方法也感不舒服,直指今屆特首選舉相當關鍵:「我哋唔可以再等多5年,對香港嚟講係決定性。」曾又不諱言梁振英難以拉攏泛民溝通,「梁振英點叫啲泛民大家坐埋嚟傾啲嘢,冇可能,佢亦都不屑叫你埋嚟」。

曾續指,曾經多次自問為何要做特首這份吃力不討好的工作,但想到「有屋企人支持,同埋每一次見到市民、每一日喺fb睇到留言,佢(太太)成日同我講,『如果你唔繼續行嘅話,你點樣同嗰啲人交代呀?』」提到眾籌成績時,他說到有一張由13人捐贈的130元支票,更一度感動哽咽,李鵬飛即拍拍曾的手臂以示鼓勵。

除了在網上發功,曾俊華今日會巡遊集氣,其競選辦昨在fb公佈今日巴士巡遊會到訪鴨脷洲、銅鑼灣、東區和中區,最後在中環愛丁堡廣場與市民見面,據警方發給曾俊華競選辦的不反對通知書披露,巴士巡遊於中午12時開始,沿路會在太古坊外、銅鑼灣時代廣場外,以及愛丁堡廣場外下車與市民接觸。

民主黨涂謹申表明,「如果有集會,我會帶埋我個仔去」,因為「我會希望喺歷史上,我話佢(涂的兒子)聽,我死之前我做咗件事,我有能力做嘅我都會去做」。

法律界選委張達明撰文解釋挺曾理由,指挺曾並非基於策略考慮或反抗中央欽點,而在於曾俊華在選舉期的表現令他改觀,認為林鄭在選舉期間表現令人失望,反而曾表面上的hea,實際上是最切合香港需要的柔性管治手法,相信曾是「最能縫補香港撕裂、最能帶領香港重回正軌、最能有效及務實地推動政改、最能捍衞香港核心價值,令一國兩制不變形不走樣」的特首。


曾俊華fb截圖

曾俊華fb截圖


政綱睇真啲候選人冷知識小測點解佢有票