【特首選戰】轟民主派撐建制曾俊華 胡國興:自取其辱

【新增影片】
特首選舉在即,候選人之一的胡國興接受港台專訪時,被問到提名給他的民主派選委紛紛表態會票投另一候選人曾俊華,但曾俊華無承諾不跟從人大8.31框架重啟政改、無提出為《基本法》22條立法、無提出推行全民退保,日後若曾俊華當選特首民主派會否難再批評政府,胡回應時4次直指民主派是自取其辱:「自取其辱、自取其辱,好簡單,自取其辱。佢係一個咁建制派嘅人,好多嘢佢都無話做,你自己要選佢嘅,自取其辱。自己負責囉!唔好賴人」。

曾批評對手林鄭月娥「比梁振英更梁振英」要用百分之二百阻止林鄭當選,對有人要求他「讓路」給民望較高的曾俊華參選,他就認為提出要求的人是心虛,又不滿壹傳媒創辦人黎智英及民主黨創黨主席李柱銘「抹黑」他是共產黨間諜,「我繼續參選對曾俊華有咩損害呢?我咁叻嘅話,我就係爭取到林鄭嘅票啫!我會唔爭取曾生嘅票,咁我唔知佢哋驚乜嘢喎,呢啲係咪心虛呢?」

經歷兩個月選舉工程,胡形容政治令他感到很污穢、失望,「李柱銘我識咗幾十年嘅人,都講埋啲無謂嘢,廢話嚟嘅!」雖然政治污穢,但他亦稱「無法子,你都要玩落去,你依家係要爭取,最緊要爭取到,未點票嗰一刻之前你都要去爭取,點票之後咪睇吓結果點樣囉。」他否認自己參選是為鎅票或陪跑,「邊個係我恩人呀?我要陪佢跑?」

被問假如選舉只剩林鄭、曾俊華可以選擇,他坦言會選舉曾俊華做特首,因為林鄭「信唔過,獨行獨斷,繞過晒啲諮詢,然後話『我為你哋啲人帶嚟好嘢』,完全唔需要道歉,好危險囉!」他指獨裁者都是以為人民帶來最大利益為幌子,「如果一個人獨行獨斷、黑箱作業嘅係好危險囉!」

一旦落選,胡稱會對香港前景感到很悲觀,因為政府無心管治,過去落區亦感受到港人生活很苦,寄語港人無論誰人當選特首都要放長雙眼,保持警覺性監察政府,不能讓特首越過雷池半步,「譬如佢做啲嘢係唔啱嘅,應該大聲疾呼,唔好等佢咁易過得骨。」


(謝榮耀攝)

(謝榮耀攝)


政綱睇真啲候選人冷知識小測點解佢有票