【特首選戰】曾俊華指團隊仍士氣高漲:相信香港有奇跡可以發生

【新增短片】

特首候選人曾俊華今早接受電台電話訪問,被問到現時坊間指他贏面不大,有何感想,他表示他和團隊依然士氣高漲,「相信我哋個信念去團結返香港社會呢,都仍然係好強大嘅」,相信香港如以往一樣,「有奇跡可以發生」。至於有否想過周日選舉取得多少票才算是有交代,他就指「冇諗過,因為我哋成日都係諗住贏嘅」。對於被指以「民意挾迫中央」,他就指說法「奇異」,認為巿民即使沒有選票,爭取巿民支持亦有助團結社會,又指過往選舉是民意較高人士當選,若當選者支持度低,就必須很努力去團結社會。

他指,這段期間感受到巿民非常之大的支持和鼓勵,表示自己沒有直接接觸中央,惟相信中央會希望香港有一個團結社會。他又說,選舉工程期間,並無與中央直接接觸,但相信中央亦希望香港有一個團結社會。另外兩名候選人是林鄭月娥及胡國興。至於是否如坊間有指他手握達400票,他表示不會知道這個數字,主持問到「咁你打好多個電話嘛」,他就笑言「咁有時電話講啲嘢要打個折扣」。他又指,和很多政界、商界選委認識多年,「有好多嘢唔駛講都知」。

被問到如何理解有說法指他不完全受到中央信任,他回應「呢個係選舉工程嚟嘅,每一個團隊都希望支持自己心儀候選人,我相信係呢段時間都繼續會有咁嘅嘢發生」。主持提到今早《星島》有長篇文章批評曾俊華和中央「對着幹」,曾反駁「睇唔到(自己)點樣對着幹」,稱辭去財政司司長亦只是幾個月前的事,「我之前都係揸住成個香港夾萬嘅鎖匙」,不明白為何突然被指「對着幹」,但選舉期間相信有很多奇怪的說法、事情出現」。



政綱睇真啲候選人冷知識小測點解佢有票