【又呃人?】689:當年我民望最高 酸泛民all-in薯片好葡萄

【新增動新聞】
特首梁振英今早出發去海南前,在機場表達自己對特首選舉看法,指對候選人的要求是政綱細節,而不是看民調哪一個候選人民望高就「啲票畀晒佢」,稱上一屆亦不是這樣,指自己當時是參選人中民望最高的,「但係呢泛民嘅選委亦都冇投票畀我」,因此今次300位泛民選委若「all-in」民望最高的候選人,「我應該指出,5年前嘅情況絕對唔係咁」,「5年前點解唔將所有啲票all-in投晒畀我呢?」他稱泛民應該解釋,隨即轉身離開。

不過,今屆泛民選委實際上有320多位而非300位,而上屆選舉有泛民候選人何俊仁,而今屆3位候選人均被指是建制候選人;當年有逾22萬沒有選票的市民一連兩日參與港大民意研究計劃的「3.23 民間全民投票」表達意願,結果是共約12.2萬人投棄權票,支持流選,比率高達近55%,當年3名候選人梁振英、唐英年和何俊仁的得票率,分別只有17.8%、16.3%和11.4%,而非梁振英今日所指自己「民望最高」,當年民意傾向流選。另根據暗票制度,選舉後理應不知道有否泛民選委曾投票給梁振英。



政綱睇真啲候選人冷知識小測點解佢有票