曾俊華教你做冷面笑匠 自抽金句狂寸林鄭

【新增短片】
以高民望落選的特首候選人曾俊華,繼續在母校任教劍擊,近日少有在短片現身,為網民送上歡笑,片中他被問到做「冷面笑匠」的心得,則以劍擊比喻棟篤笑,更自抽其競選時的金句,暗寸他當時的對手林鄭月娥,不改其幽默抵死的風格。

電台節目主持曾志豪和陳嘉銘舉行棟篤笑,曾俊華不止去撐場,更應邀拍片幫手宣傳。片段在曾俊華的母校喇沙書院拍攝,曾俊華以一身劍擊服亮相,與二人笑談風生,不止二創其競選時的金句,又笑言「睇多啲新聞,會有好多諗都諗唔到嘅笑話㗎」。

【曾俊華金句節錄】
●與其相信一個人,不如相信兩個人

●棟篤笑同劍擊有好多相同嘅地方㗎,兩個人嘅棟篤笑就好似劍擊咁,如果篤親對方嘅要害呢,嗰啲哈哈笑真係多到上個鼻嗰度㗎。

●我哋做人呢,work hard不如就work smart,我有個建議畀你嘅,不如睇多啲新聞,會有好多諗都諗唔到嘅笑話㗎。

●剃鬍就唔會嘞,睇show呢我就一定會嚟,聽講話,我個有錢都買唔到嘅公關團隊,都買唔到你哋啲飛喎?

●與其我一個人去睇,不如大家一齊嚟睇吖,我哋一齊拍住上啦。


「回帶廿年棟篤笑 - 曾志豪 X 陳嘉銘」facebook宣傳片段截圖

「回帶廿年棟篤笑 - 曾志豪 X 陳嘉銘」facebook宣傳片段截圖


相關文章

  1. 【林鄭組班】陳美齡:我不會做教育局長 批局長職責非管人應服侍人
  2. 【林鄭組班】唔做局長做副局或顧問?陳美齡:咁早我諗唔到
  3. 【即時文摘】吹雞來不來?(李碧華)
  4. 【即時文摘】值不值得(蔣芸)
  5. 【即時文摘】行政經驗即係……(鄧達智)
  6. 【即時文摘】飄色好過搶包山(李純恩)
  7. 【林鄭組班】教育局局長三大熱門 有乜共通點?
  8. 【即時文摘】白燕難當家(左丁山)
  9. 【林鄭組班】傳接任教育局長 陳美齡首親自現身回應
政綱睇真啲候選人冷知識小測點解佢有票