【李八方online】林鄭牛一兼慶功

候任特首林鄭月娥早幾日(13號)正式60大壽,低調嘅佢唔知有冇慶祝呢?有網媒就報道,林鄭尋日搞咗Party,不過唔係生日P,而係慶功P,同一班競選團隊成員慶功,佢老公林兆波都有現身,而且仲喺席間向林鄭獻吻添。

網媒《香港01》報道,林鄭尋晚喺灣仔搞咗場3個鐘嘅慶功宴,競選辦主席團成員夏佳理、副主任陳振彬、陳勇,仲有公關黃小珍、戴健文等都有現身。

身為主角嘅林鄭罕有地著上極搶眼嘅火紅色連身裙,又同林兆波一齊切咗個舖滿士多啤梨、寫有「 Good Health and Happiness to Carrie」嘅蛋糕,林兆波亦喺呢個時候錫咗林鄭一吓。

難得咁開心,林鄭生日慶贏咗特首選舉喎,梗係要唱番首歌贈興啦,大家估吓佢哋咩?唱生歌?唔係啦,據報席間成班人一齊大合唱咗《友誼之光》,真係非常之有意境呀﹗


政綱睇真啲候選人冷知識小測點解佢有票